Sumir kunna þetta - en bara þetta

Ég kynnstist einu sinni manni. Auðvitað hef ég kynnst þeim nokkrum, en þessi hafði sérstaka hæfileika.

Reyndar tvo.

Hann gat hallað sér fram og horft í augu mér eins og ekkert annað væri til. Þetta hlýtur að hafa tekið margra ára þjálfun, því seinna sá ég svo margt annað úr þessum augum - sem var alls ekki fallegt.

Hitt voru gullhamrarnir. Vá hvað þeir gátu flotið auðveldlega. Sannfærandi.

"Elskan. Ég man þegar ég sá þig einhverntíma á Laugarveginum. Þú tókst ekkert eftir mér. Þú varst svo falleg, kasólétt. Ég var svo svo afbrýðisamur. Afhverju varstu ekki konan mín? Afhverju var þetta ekki barnið mitt".

Vá - en ég þekkti hann bara þegar hann var unglingur. Aldrei datt mér til hugar að árum seinna horfði hann á mig með þessu hugarfari. Hann hlýtur að hafa verið svona ofboðslega hrifinn allan tímann. 

Sællegt blikk - orðin virkuðu.

" Og núna ástin mín mun ég gera allt - allt til að missa þig ekki. Þú ert sú eina. Aleina".

"Og hvað þú ert falleg - það allra fallegasta".

Vá hvað þetta var að virka. Þar til það virkaði ekki lengur. 

Augnaráðið breyttist úr ást yfir í reiðilegan trylling.

Seinna fékk ég sms " Fuck off".

Ég kynntist konu sem hafði lent í svipuðu. Eftir mér. Sami maður.

Tæknin eins.

"Þú ert svo falleg - það fallegasta sem ég hef séð".

Sömu endalok.

"Fuck off"

Vá - í hvaða skóla er þetta kennt?

Sjarmöraskóla fyrir þá sem vilja baða sig í kvenfólki?

Þessi dúxaði.

En gleymdi að læra um sanna ást og hamingju. 

Það var ekki kennt í þessum skóla.

 

 

Athugasemdir

[Jóna Á. Gísladóttir, 30.5.2011 kl. 22:57]

Afar athyglisverð bloggsíða hér í gangi. Takk kærlega fyrir vinarbeiðnina, og þar með ábendinguna um bloggið þitt.

[Skúmaskot tilverunnar, 31.5.2011 kl. 01:11]

Takk :)

[Sólveig H Sveinbjörnsdóttir, 31.5.2011 kl. 19:19]

Einmitt...Ekki sá eini sem þetta hefur mælt og virkar þangað til... Fuck off...úffffff.... hvenær á maður að leyfa sér að trúa því sem við mann er sagt ;) Bara spyr :)

[Skúmaskot tilverunnar, 31.5.2011 kl. 19:47]

Held maður verði að horfa í merkin sem eru vissulega til staðar :)